Descarga a app de Bibopalula para ver máis xogos coma este!
As delicias das silveiras
Pon o disfraz de chef de cociña e mans á obra con esta receita doce!
Cal é a froita favorita dos paxaros da Banda do Bosque? Escoita a canción “As delicias das silvieras” e saberalo.
Como prefiren comer as amoras Carpi, Pegui, Robin e Merli?
Aquí deixámosche unha receita sinxela para facer marmelada na casa:
Ingredientes:
- 300-500 gr de amoras
- zume de medio limón
- 4-5 dátiles
- 1-2 culleradas de sementes de chía
Preparación:
- Lava moi ben as amoras e aplástaas un pouco.
- Pide axuda a unha persoa adulta para quitar o óso aos dátiles e tritúraos no batedor.
- Pon as amoras, os dátiles e as sementes de chía nunha pota; engade o zume de limón. Pide axuda a unha persoa adulta para quentar a mestura a lume medio durante 20-30 minutos, removendo frecuentemente ata que espese.
- Cando a marmelada arrefríe, colócaa en frascos limpos e listo.
Podes poñer a marmelada nunha torrada para gozar dela nos teus almorzos e merendas.