Descarga a app de Bibopalula e non perdas nada!
A aplicación oficial da Banda do Bosque está dispoñible de maneira gratuita, e contén xogos e contidos para que a cativada continúe explorando o bosque desde o calquera lugar.
O universo de Bibopalula continúa a medrar! Agora, a aplicación oficial está dispoñible de forma totalmente gratuita para Android e iOS. Robin, Carpin, Pegui e Merli, xunto con Pombo e o Señor Moucho, traen novas sorpresas para que a cativada siga conectada co bosque desde calquera lugar.
A app ofrece acceso aos capítulos da serie e a todas as cancións da Banda do Bosque que pechan cada historia. Ademais, inclúe xogos interactivos nos que se pode adiviñar cancións ou personaxes, colorear, construír papaventos, experimentar e descubrir curiosidades sobre a natureza e a música, promovendo á vez aprendizaxe e diversión.
A navegación está organizada en seis seccións:
-
Portada: últimas novidades do bosque.
-
Mirar: todos os capítulos da serie.
-
Cantar: todas as cancións para gozar en familia.
-
Xogar: xogos interactivos que manteñen viva a maxia de Bibopalula.
-
Saber: curiosidades e segredos do bosque para aprender xogando.
-
Tenda: produtos oficiais para levar o universo de Bibopalula no día a día.
Esta novidade permite que a experiencia da Banda do Bosque continúe máis alá do escenario e da pantalla, ofrecendo contidos educativos e lúdicos para nenas e nenos de 2 a 6 anos. Descárgaa xa en Android e iOS!