O papaventos

Os humanos non temos ás para voar, pero podemos construír obxectos que voen; como os avións, foguetes, globos aerostáticos e xoguetes como os papaventos. Segue estas instrucións para construír o teu.

Materiais:

• 2 variñas de madeira (de 60 cm e 40 cm, ou similares)
• Fío groso ou corda resistente
• Papel de cores, bolsa de plástico grande ou tea lixeira
• Tesoiras, regra e lapis
• Fita adhesiva ou pegamento de barra
• Tiras de papel ou plástico para a cola do papavento

Paso a paso: Coa axuda dunha persoa adulta:

1. 1. Prepara a estrutura:
      – Coloca as dúas variñas en forma de cruz: a máis longa en vertical e a máis curta en horizontal.
      – Une as variñas no centro con fío groso, facendo un nó en forma de X. Podes reforzar cun pouco de cinta adhesiva ou pegamento.
   2. Forma o marco:
      – Ata un fío arredor dos extremos das varillas, formando un contorno en forma de rombo (diamante). O fío debe quedar tenso, pero sen dobrar as variñas.
   3. Corta e fixa a vela:
      – Coloca a estrutura sobre o material elixido (papel, plástico ou tea).
      – Debuxa o contorno do marco deixando unha marxe de 2-3 cm arredor. Recorta a forma e dobra a marxe cara dentro, pegándoa sobre o fío do marco con pegamento ou fita adhesiva.
      – É recomendable reforzar as esquinas para evitar que se rompan facilmente.
   4. Fai a cola:
      – Corta tiras longas de papel ou plástico e úneas con nós para formar a cola.
      – Ata a cola na punta inferior do papaventos.
   5. Prepara o fío de voo:
      – Ata un fío resistente desde os extremos da variña horizontal, deixándoo un pouco frouxo.
      – No centro do fío anterior, ata un fío longo que servirá de carrete para voar o papaventos.
      – Este fío longo será o que suxeites para controlar o voo do papaventos. Podes enrolalo nun anaco de madeira para que non se enrede ao soltar e recoller.
   6. Decora:
      – Decora o papaventos ao teu gusto con debuxos, pegatinas ou recortes de cores.
   7. Consellos para o voo:
      – Escolle un día con vento suave e un espazo aberto como un parque, onde non haxa árbores, postes ou cables preto para que o papaventos non se enrede.
      – Colle o fío forte cunha man e pide axuda para que unha persoa adulta sosteña o papaventos en alto, apuntando cara ao vento.
      – Cando o vento sopre: deixando libre o papaventos, vai soltando o fío pouco a pouco. Podes correr devagar cara atrás para que o papaventos suba polo aire.
      – Se queres que o papaventos suba máis: solta un pouco de fío. Se queres que baixe, enrola o fío e recólleo un pouco.
      – Se o papavento cae: non te preocupes, inténtao de novo!