Acontece unha catástrofe mentres a Banda do Bosque fai un concerto.
Hoxe, uns viaxeiros moi especiais están a piques de chegar ao bosque. O Pombo mensaxeiro avisou a Pegui de que o Titanic pasará polo río. Non se trata dun barco común, senón dunha grande árbore que serve de nave para moitas especies de paxaros que percorren os lagos e os ríos. A súa chegada é un evento único e a Banda do Bosque non quere perdelo.
Merli, Robin, Pegui e Carpin deciden preparar unha canción para celebrar a chegada do Titanic. Outro paxaro da tripulación, cheo de ilusión, pregunta ao Capitán se a Banda do Bosque pode tocar a bordo, e o Capitán dálles luz verde, sabendo que a música sempre alegra a travesía. Neste tronco actuaron os mellores artistas dos ceos e dos mares.
Pero xusto cando a música comeza a soar, o Titanic choca contra unha gran rocha e o tronco empeza a inundarse.
Poderán salvarse os protagonistas de Bibopalula deste naufraxio? Que fará o Capitán sen o Titanic?
Non perdas o capítulo de Bibopalula en Xabarin.gal.