Sinopse

As cancións da serie musical en galego Bibopalula chegarán ao escenario da man de Isabel Garrido (voz), que interpretará os temas da súa banda sonora xunto a Luis Lago (piano), Graciela Carlos (batería) e Pedro Placer (guitarra), nun concerto pensado para gozar en familia.

O papaventos, Surfing Poza e O terremoto son algunhas das cancións que farán cantar e bailar aos máis cativos e cativas da casa, nun concerto que reúne os temas máis coñecidos da serie e os leva ao directo para compartir en familia.

Robin, Merli, Pegui e Carpin volverán ao Castelo Conta para reencontrarse coa cativada nunha viaxe chea de música, natureza e imaxinación, levando ao escenario o universo da Banda do Bosque e as cancións da primeira serie musical en galego.

Duración: 50 minutos