A Banda do Bosque existe! Búscaos polos parques e os campos!

Paporrubios, pegas, merlos e picapaus habitan o bosque, pero tamén son os protagonistas de Bibopalula… Queres coñecelos?

O paporrubio

Robin é un paporrubio, un paxaro que canta desde o alto das árbores, ao que lle gusta comer insectos como mosquitos, formigas ou arañas pequenas e que fai o seu niño preto do chan, nos ocos entre as pedras ou na base de árbores e arbustos. Os paporrubios son moi curiosos e territoriais, polo que non é raro que se acheguen moito á xente, como dicindo: eh, que fas ti por aquí?

A pega

Pegui é unha pega. As pegas son da familia dos corvos e coma todos os paxaros desa familia son moi intelixentes, tanto que son os únicos paxaros do mundo que recoñecen a súa propia imaxe nun espello. Comen de todo, desde miñocas a froita, e son grandes construtoras de niños. As pegas, ademais de paus pequenos e musgo, utilizan tamén lama para facer o niño.

O merlo

Merli é un merlo, un dos paxaros coa voz más forte e bonita dos nosos parques e campos. Cando está de bo humor canta moitas melodías diferentes e se se asusta, avisa cun característico canto de alarma. A hora de comer encántanlle as miñocas e no verán visita moito ás cerdeiras porque as cereixas son a súa segunda comida favorita.

O picapau

Carpin é un picapau, o paxaro carpinteiro que máis rápido pica do mundo. Tarda tres semanas en facer un oco profundo nas árbores para poñer alí os ovos. Nunca utiliza por segunda vez o niño e así ese oco convértese despois en fogar doutros animais, como esquíos ou morcegos. As árbores favoritas dos picapaus son os piñeiros.