No bosque, cada día agocha algo novo. Ás veces son descubrimentos misteriosos, outras veces aventuras inesperadas e, nesta ocasión, a Banda do Bosque vai descubrir un dos cambios máis sorprendentes da natureza.
Todo comeza cando Carpin, Pegui, Merli e Robin comezan a falar coa eiruga, que estaba comendo follas para coller enerxía. Mentres fala con eles, explícalles algo que os deixa fascinados: cada certo tempo cambia de pel… e tamén de cor. Onte era verde, hoxe é distinta, e nin ela mesma sabe como será dentro duns días.
Pegui pensa que iso de mudar a pel soa divertidísimo, pero tamén teñen moitas preguntas. Como será a seguinte? Que cores terá? A eiruga recoñece que non o sabe, pero que xa está un pouco cansada de ter que seguir medrando e comendo follas, ela preferiría facer algo máis divertido, como voar.
O Señor Moucho explícalles entón que as eirugas fan algo moito máis impresionante que cambiar de cor. Pero non lles quere revelar o segredo. Será mellor, di, que o descubran por eles mesmos. A curiosidade da Banda do Bosque non deixa de medrar. Pouco despois, cando os amigos regresan para buscala, a eiruga desapareceu. Marcharía para sempre?
Descobre onde está a eiruga e que é iso tan impresionante que vai facer!
Non perdades esta aventura de Bibopalula en Xabarin.gal