No bosque de Bibopalula, o vento pode traer moitas cousas. Ás veces move as pólas, outras fai caer follas… e outras, como nesta ocasión, deixa unha historia que comeza cun gran estrondo no medio da noite.
O vento soprou con tanta forza que mesmo fixo rodar unha enorme rocha montaña abaixo. Cando Robin, Pegui, Merli e Carpin se achegan, danse conta de que se escoitan con atención… o vento non fai ruido, fai música!
O Señor Moucho explícalles que cando o vento pasa polo buraco que ten a rocha, funciona como unha frauta. O que para uns pode ser só vento, para outros convértese nunha melodía, e por que non: tamén nunha oportunidade para facer unha nova canción!
Cando o vento volve soprar, a Banda do Bosque reúnese arredor da rocha e comeza a tocar. Entre todos compoñen A canción do vento, unha melodía que cambia cada vez que soa, porque o vento nunca canta igual… pero tampouco canta mal.
Queredes escoitar A canción do vento?
Non perdades este capítulo de Bibopalula en Xabarin.gal