A pequena cegoña ten medo de voar por primeira vez e non quere saír do niño.
Robin, Pegui, Merli e Carpin desfrutan de voar polo aire e de facer moitas figuras diferentes. Pero houbo un día, xa case esquecido, no que eles tamén tiveron que facelo por primeira vez.
Cada quen voa como é: Merli como un merlo, Robin como un paporrubio, Pegui como unha pega e Carpin como un picapau. Pero iso non significa que ninguén voe mellor ca os demais. Xusto cando están a falar sobre isto, encóntranse coa Señora Cegoña moi preocupada. A súa filla ten un problema!
A pequena Cegoña non quere voar porque lle dá moito medo! Conseguirán os protagonistas de Bibopalula que Cegoña poida voar por primeira vez?
Non perdas o capítulo de Bibopalula en Xabarin.gal.