No bosque de Bibopalula, hai días nos que suceden cousas tan sorprendentes que parecen imposibles. Iso é exactamente o que lle pasa a Merli cando intenta contarlles aos seus amigos algo que viu xunto á poza: un merlo igual ca el, pero completamente branco.
Pegui, Robin e Carpin non están moi convencidos. Como vai existir un merlo branco se todos os merlos teñen as plumas negras? Por moito que Merli insiste en que é verdade, os seus amigos pensan que pode estar confundido, ou incluso que todo foi un soño.
Merli está tan seguro do que viu, que decide marchar a buscar ao misterioso paxaro para demostrar que non está inventando nada. Entón, o merlo branco aparece por fin diante de todos!
A Banda do Bosque descobre entón que, ás veces, as cousas non son exactamente como imaxinamos. O novo amigo explícalles que non sempre é doado ser diferente, e xuntos visitan ao Señor Moucho para descubrir por que as súas plumas son distintas ás de Merli.
Queredes coñecer ao misterioso merlo branco e descubrir a canción que compón xunto á Banda do Bosque?
Non perdades esta aventura no capítulo O merlo branco de Bibopalula no Xabarin.gal.