No bosque de Bibopalula, ata os días máis calorosos poden converterse nunha aventura inesquecible. O sol aperta tanto últimamente que nin a Banda do Bosque ten ganas de cantar, correr ou xogar. Carpin di que xa nin sente as plumas, e Pegui recoñece que lle gustaría ir buscar algo de picar ao prado… pero con tanta calor non se atreve nin a moverse.
Entón Robin lembra algo importante: ao comezo do río hai unha poza onde a auga sempre está fresquiña. Aínda que queda un pouco lonxe, os catro amigos deciden emprender o camiño pouco a pouco, avanzando de sombra en sombra e descansando baixo as árbores.
Despois dun gran esforzo, por fin chegan á poza. E claro, non tardan nin un segundo en querer meterse na auga! Pero cando Carpin se lanza correndo, descobre unha folla enorme flotando na superficie. Sen pensalo dúas veces, sobe enriba dela… e comeza a deslizarse pola auga coma un auténtico surfeiro.
A Banda do Bosque queda fascinada. Merli, Pegui e Robin queren probalo inmediatamente, e moi pronto os catro están intentando manter o equilibrio enriba das follas mentres a auga os fai tambalearse dun lado para outro. Ao principio custa un pouco, pero cada un acaba atopando a súa maneira de moverse sobre a auga.
Entre risas, chapuzóns e moita diversión, os amigos descobren un novo xogo de verán: o surf de poza!
É que ás veces, as mellores ideas aparecen de maneira inesperada!
Non perdades esta refrescante aventura no capítulo A poza de Bibopalula en Xabarin.gal.