Festa, neve e cancións no bosque!
O inverno chegou ao Bosque… e os nosos compañeiros prepáranse para celebrar algo moi especial!
No bosque de Bibopalula xa se nota que chegou o inverno. Os días son máis curtiños, vai frío… e a neve cubriu todo cun manto branco e brillante. Pero lonxe de quedar quietos, os nosos amigos da Banda do Bosque teñen un plan moi especial: celebrar o Festival de Inverno!
Merli, Pegui, Robin e Carpin comezan cos preparativos cheos de ilusión e todos os paxariños do bosque -mesmo a compañeira Bubi- colaboran para encher de cor, luces e alegría cada recuncho. Entre risas decoracións e traballo en equipo, o bosque queda máis bonito ca nunca.
E como non podía ser doutro xeito, a celebración remata con música! A Banda estrea a súa canción especial para o Festival de Inverno. Aproveitarán para tocar tamén a súa panxoliña?
Queredes saber como remata esta aventura invernal?
Non perdades o capítulo de Bibopalula en Xabarin.gal