Leva contigo un anaco do universo ‘Bibopalula’
Os produtos oficiais de Bibopalula xa están dispoñibles a través da aplicación, da web e tamén acompañarán á Banda do Bosque durante a xira!
Co regreso de Bibopalula · O Espectáculo aos teatros este inverno, o universo da Banda do Bosque continúa a medrar máis alá da pantalla e incluso do escenario. Pequenos agasallos acompañan esta nova etapa, pensados para prolongar no tempo as historias, as cancións e as emocións que nacen no teatro.
A colección de merchandising de Bibopalula pode atoparse tanto nos seus espazos dixitais (a través da aplicación oficial, dispoñible para Android e iOS, e da páxina web) como nos propios teatros e auditorios que acollerán as funcións da xira, onde haberá un stand. Unha maneira de que a cativada leve consigo un recordo do espectáculo e de seguir conectando co bosque unha vez baixa o pano.
Todo está pensado para compartir, xogar e lembrar a experiencia vivida no teatro. Entre os produtos dispoñibles atópanse propostas para diferentes idades e gustos.
Por unha banda, o conto A banda do bosque, unha porta de entrada ao universo Bibopalula para ler en familia e revivir a primeira historia de Carpin, Robin, Pegui e Merli.
No apartado téxtil, a colección inclúe varios suadoiros inspirados na Banda do Bosque: o de Merli, o de Carpin e o de Robin, ademais dun suadoiro amarelo cheo de enerxía e identidade Bibopalula. Pezas cómodas e alegres, pensadas para acompañar as pequenas e pequenos espectadores no seu día a día. A colección complétase cunha gorra perfecta para as aventuras ao aire libre.
As persoas que asistan ás funcións de Vilagarcía (20 de decembro), A Coruña (28 de decembro) e Vigo (2 de xaneiro) poderán atopar estes produtos nos stands habilitados nos respectivos recintos. Unha maneira de facer que a maxia do bosque continúe presente na casa, no cole ou nas saídas en familia.
