O día comeza cos lamentos de Carpin, que se escoitan por todo o bosque. Está moi enfermo e, a pesar de chamar polos seus amigos, ninguén o escoita. Os paxaros da Banda do Bosque decátanse rapidamente da súa ausencia e deciden ir buscalo á súa casa.
Carpin non quere ir xunto ao médico do bosque, o Señor Moucho, porque sabe que se vai enfadar con el. Sabedes por que? Pois está malo por comer unha baga dunha árbore que non coñecía. É un verdadeiro larpeiro!
Haberá solución para a súa enfermidade? Enfadarase o Señor Moucho con Carpin por ser tan lambón?
Non perdas o capítulo de Bibopalula en Xabarin.gal.