O Señor Moucho nunca se trabuca. Por iso, cando anuncia que esa noite todos deben estar moi atentos, a Banda do Bosque queda intrigada. Que pode pasar?
Cando cae o sol, a Lúa aparece no ceo. Está chea, branca e moi bonita, como tantas outras noites. Pero esta vez hai algo diferente, porque pouquiño a pouco, a súa cor comeza a cambiar.
Robin, Carpin, Pegui e Merli non dan crédito ao que están vendo.
O Señor Moucho explícalles que, aínda que non sexa Entroido, a Lúa decidiu vestirse coa cor dos solpores.
Como pode a Lúa cambiar de cor? Para algúns membros da Banda do Bosque parece imposible. O Señor Moucho explícalles que a natureza está chea de cousas marabillosas que poden parecer imposibles ata que as vemos cos nosos propios ollos.
É unha eclipse lunar!
A Banda do Bosque queda fascinada con aquel momento tan especial. Porque hai noites nas que non fai falta ir moi lonxe para vivir unha gran aventura.
E se unha eclipse lunar pode facer que a Lúa cambie de cor, que pasará cando sexa o Sol o que desapareza por un momento?
Mañá teremos unha oportunidade para descubrilo. O 12 de agosto, o ceo volverá converterse nun auténtico espectáculo coa eclipse total de Sol que poderá verse desde os nosos bosques!
Así que, como Robin, Carpin, Pegui e Merli, só queda estar moi atentos.
Nunca se sabe que marabilla pode estar a piques de acontecer enriba das nosas cabezas…
Non perdades esta aventura no capítulo A eclipse de Bibopalula no Xabarin.gal