Hoxe ao bosque chegou un paxaro moi raro. Un visitante tan diferente que ningún outro se lle parecía. Carpin, curioso coma sempre, fixouse no seu aspecto: era enorme, brillante, con cores fermosas, pero nada semellante aos outros paxaros do bosque. Non tiña cara de voitre, nin peteiro de voitre, nin a cor dun voitre, así que Carpin estaba seguro de que non se trataba dun voitre.
O que máis lle sorprendía era que non se movía; estaba na mesma posición durante media hora. Carpin intentou falar con el, pero non obtivo resposta. Tal vez non entendía o idioma dos paxaros do bosque.
O que máis intrigaba a Carpin era o longo fío que colgaba do seu corpo e chegaba ata o chan, onde un grupo de pequenos que non voan o tiñan agarrado. Decidiron que precisaban respostas, así que foron ao encontro do Señor Moucho.
Saberá o Señor Moucho que tipo de paxaro é? Falará outro idioma e, por iso, non responde cando lle falas?
Non perdas o capítulo de Bibopalula en Xabarin.gal.